پیراسٹامول دوا کی قیمت سے متعلق حکومت کا بڑا فیصلہ

پیراسٹامول دوا کی قیمت سے متعلق حکومت کا بڑا فیصلہ

Read Time:1 Minute, 43 Second


وفاقی حکومت نے پیراسٹامول دوا کی قیمت فوری نہ بڑھانے کا فیصلہ کیا ہے۔ وزیر صحت نے دوا ساز کمپنیز کو دو ٹوک جواب دیتے ہوئے کہا ہے کہ موجودہ حالات میں پیراسٹامول گولی کی قیمت میں فوری اضافہ ممکن نہیں ۔

وزارت قومی صحت کے ذرائع کے مطابق ملک میں پیراسٹامول دوا کی قلت اور قیمت میں اضافے کے معاملے پر اہم اجلاس ہوا جس میں وفاقی وزیر صحت عبدالقادر پٹیل ، سی ای او ڈرگ ریگولیٹری اتھارٹی پاکستان ڈاکٹر عاصم روف سمیت دوا ساز کمپنیوں کے نمائندوں نے اجلاس میں شرکت کی ۔

اجلاس کے دوران ملک میں پیراسٹامول دوا کی دستیابی اور فارما انڈسٹری کو درپیش چیلنجز پر غور کیا گیا۔ ذرائع کا کہنا ہے کہ دوا ساز کمپنیوں کے نمائندوں نے وزیر صحت سے پیراسٹامول کی فی گولی قیمت میں 98 پیسے اضافہ کر کے فی گولی قیمت 2 روپے 68 پیسے مقرر کرنے کا مطالبہ کیا۔

ذرائع کے مطابق اجلاس میں شریک وزیر صحت عبدالقادر پٹیل نے پیراسیٹامول کی قیمت میں اضافے سے صاف انکار کرتے ہوئے موقف اختیار کیا کہ موجودہ ملکی حالات کے پیش نظر پیراسیٹامول گولی کی قیمت میں فوری اضافہ ممکن نہیں۔

فارما کمپنیز کے وفد نے وزیرصحت سے فارما انڈسٹری کے نمائندہ وفد کو وزیراعظم سے ملوانے کی اپیل کی ۔ وزیر صحت نے فارما انڈسٹری کے وفد کی وزیراعظم سے جلد ملاقات کرانے کی یقین دہانی کرائی ۔وزارت قومی صحت کے زرائع کے مطابق پیراسیٹامول کی فی گولی کی موجودہ قیمت 1 روپے 70 پیسے ہے۔

Comments





Source link

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.