ہوشیار بیوی نے کیسے شوہر کی اصل آمدنی کا پتہ لگایا؟

ہوشیار بیوی نے کیسے شوہر کی اصل آمدنی کا پتہ لگایا؟

Read Time:2 Minute, 9 Second


اکثر شوہر بیوی کو اپنی ماہانہ آمدنی کی درست معلومات دینے میں ہچکچاتے ہیں لیکن یہاں ایک ہوشیار خاتون نے عدالت جاکر اپنے شوہر کی درست آمدنی کا پتہ لگا لیا۔

یہ مقولہ مشہور ہے کہ عورت سے اس کی عمر اور مرد سے اس کی تنخواہ نہیں پوچھنی چاہیے کیونکہ دونوں اس کا درست جواب نہیں دینا چاہتے۔

عمومی طورپر بیویوں کو جہاں اپنے شوہر کی دن بھر کی مصروفیت کی فکر ہوتی ہیں وہیں وہ ان کی اصل ماہانہ آمدنی جاننے کی جستجو میں بھی رہتی ہے، اگر مرد نے اپنی اصل آمدنی بتا بھی رکھی ہو تو بیوی کی جانب سے اس حوالے سے شک کا اظہار ضرور کیا جاتا رہتا ہے، تاہم پڑوسی ملک بھارت میں ایک خاتون ہوشیار نکلی اور اس نے روایتی بیویوں کی طرح اپنے شوہر کی اصل آمدن پر صرف شک کا اظہار کرنے کے بجائے حقیقت جاننے کیلیے ہمت کرکے معلومات تک رسائی کے قانون کا حق استعمال کرتے ہوئے عدالت سے رجوع کرلیا۔

بھارتی میڈیا کے مطابق بھارت کے سینٹرل انفارمیشن کمیشن نے حال ہی میں ایک حکم جاری کیا تھا جس میں محکمہ انکم ٹیکس کو احکامات دیے گئے ہیں کہ وہ کسی بھی خاتون کو اس کے شوہر کی قابل ٹیکس آمدن کے بارے میں 15 دن میں تفصیلات فراہم کرے۔

رپورٹ کے مطابق انفارمیشن کمیشن کے اس حکم کے بعد سنجو گپتا نامی خاتون نے اپنے شوہر کی آمدن کی تفصیلات حاصل کرنے کے لیے درخواست جمع کرائی جسے یہ کہہ کر مسترد کردیا گیا کہ اسے اس کے شوہر کی اجازت کے بعد یہ معلومات فراہم نہیں کی جاسکتیں۔

خاتون نے درخواست مسترد ہونے کے بعد ایپلٹ اتھارٹی میں درخواست دی جہاں سے خاتون کو انصاف فراہم کرتے ہوئے اس کی درخواست کو سینٹرل انفارمیشن میں بھیج دیا گیا اور سینٹرل انفارمیشن کمیشن نے محکمہ انکم ٹیکس کو 15 دن میں درخواست گزار خاتون کو اس کے شوہر کی آمدنی کی تفصیلات دینے کا حکم دیدیا۔

Comments





Source link

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *