فارن فنڈنگ کیس، پی ٹی آئی سینیٹر سمیت 2 رہنما گرفتار

فارن فنڈنگ کیس، پی ٹی آئی سینیٹر سمیت 2 رہنما گرفتار

Read Time:1 Minute, 59 Second


ایف آئی اے نے فارن فنڈنگ کیس میں پی ٹی آئی کے خلاف کارروائیاں تیز کرتے ہوئے سینیٹر سیف اللہ اور حامد زمان کو گرفتار کرلیا ہے۔

اے آر وائی نیوز کے مطابق فارن فنڈنگ کیس میں ایف آئی اے نے پاکستان تحریک انصاف کے خلاف کارروائیاں تیز کرتے ہوئے سینیٹر سیف اللہ، انصاف ٹرسٹ کے ٹرسٹی حامد زمان کو گرفتار کرلیا ہے جب کہ طارق شفیع اور عامر کیانی کی گرفتاری کے لیے ان کے گھروں پر چھاپے مارے گئے ہیں۔

ٹی وی رپورٹ کے مطابق پی ٹی آئی سینیٹر سیف اللہ نیازی کو پارلیمنٹ کے گیٹ سے گرفتار کیا گیا انہیں فنڈ ریزنگ کے لیے بنائی گئی ویب سائٹ کیس میں گرفتار کیا گیا تاہم ایف آئی اے نے باضابطہ گرفتاری کی تصدیق یا تردید کرنے سے انکار کردیا ہے۔

دوسری جانب ایف آئی اے لاہور نے اانصاف ٹرسٹ کے ٹرسٹی اور اپٹما پنجاب نارتھ کے چیئرمین حامد زمان کو بھی گرفتار کرکے مقدمہ درج کرلیا ہے، حامد زمان کو ان کے دفتر وارث روڈ سے گرفتار کیا گیا ہے۔ وہ شاہدرہ سے پی ٹی آئی کی ٹکٹ پر الیکشن بھی لڑچکے ہیں۔

اس کے علاوہ ایف آئی اے نے کراچی میں طارق شفیع کے گھر چھاپہ مارا اور ان کے دو موبائل ضبط کرلیے ہیں، جب کہ عامر کیانی کے گھر پر بھی چھاپہ مارا گیا ہے۔

پی ٹی آئی رہنماؤں نے سینیٹر سیف اللہ اور دیگر رہنماؤں کی گرفتاری اور گھروں پر چھاپے کی  شدید مذمت کی ہے۔

دوسری جانب ایف آئی اے نے سینٹر سیف اللہ نیازی کی سینیٹ احاطے سے گرفتاری کی خبر کی تردید کردی ہے، ایف آئی اے کے مطابق سینیٹر سیف اللہ کو اب تک کسی ونگ نے گرفتار نہیں کیا ہے۔

Comments





Source link

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *