Albie Awards - ہالی ووڈ کے معروف جوڑے کا انوکھا اقدام

Albie Awards – ہالی ووڈ کے معروف جوڑے کا انوکھا اقدام

Read Time:1 Minute, 52 Second


ہالی ووڈ کے خوبصورت اورمشہور ترین جوڑے جارج کلونی اور امل کلونی کی طرف سے ایلبی ایوارڈز کی تقریب منعقد کی گئی جسمیں انسانی حقوق کے لیے کام کرنے والے افراد کی خدمات کو سراہا گیا۔

بین الاقوامی طور پر معروف انسانی حقوق کی وکیل امل کلونی اور ان کے شوہر اور معروف ہالی ووڈ اداکار جارج کلونی نے رواں ہفتے پہلی بار منعقد ہونے والے ایلبی ایوارڈز کی تقریب کی میزبانی کی۔

یہ تقریب معروف جوڑے کی طرف سے ان افراد کے اعزاز میں منعقد کی گئی جنہوں نے انصاف کے حصول کے لیے ذاتی خدمات انجام دیں اور اپنی زندگیاں وقف کر دی۔

نیویارک میں منعقد ہونے والی ایوارڈز کی اس تقریب کا نام جنوبی افریقہ کے وکیل، کارکن، مصنف اور سابق جج جسٹس ایلبی سیکوس کے نام پر رکھا گیا ہے اور اسے کلونی فاؤنڈیشن فار جسٹس کی طرف سے شروع کیا گیا ہے، یہ فاؤنڈیشن اسی معروف جوڑے کی قائم کردہ ہے۔

87 سالہ جسٹس ایلبی سیکوس نے اپنی زندگی کا بیشتر حصہ ایسے افراد کے دفاع کے لیے وقف کر دیا جن پر نسل پرستانہ قوانین اور جابرانہ حفاظتی قوانین کے تحت الزامات عائد کیے گئے۔

تقریب کے دوران امل کلونی کو چاندی اور سونے کی تاروں سے مزین موتیوں والے انتہائی قیمتی گاؤن میں ملبوس دیکھا گیا جبکہ ان کے شوہر جارج کلونی نے سیاہ سوٹ زیب تن کر رکھا تھا۔

کلونی فاؤنڈیشن فار جسٹس کی اس ایوارڈ کی تقریب میں معروف اداکار آسکر آئزک، معروف برطانوی گلوکارہ دعا لیپا، برطانوی کامیڈین جان اولیور، ادارکارہ جولیا رابرٹس، اداکارہ ڈریو بیری مور، اداکارہ میریل سٹریپ اورامریکی اداکار ایتھن ہاک سمیت دیگر مشہور عالمی شخصیات نے شرکت کی۔

Comments





Source link

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *