پلازہ میں آگ بھڑک اٹھی، خوابیدہ 7 افراد موت کی نیند سوگئے

پلازہ میں آگ بھڑک اٹھی، خوابیدہ 7 افراد موت کی نیند سوگئے

Read Time:1 Minute, 32 Second


فیصل آباد میں پلازہ میں شارٹ سرکٹ کے باعث آگ لگ گئی جس نے ملحقہ گھر کو بھی لپیٹ میں لے لیا، ایک ہی خاندان کے 7 افراد جاں بحق ہوگئے۔

اے آر وائی نیوز کے مطابق فیصل آباد کے منٹگمری بازار میں جمعے کی علی الصباح پلازہ میں شارٹ سرکٹ کے باعث آگ لگ گئی جو دیکھتے ہی دیکھتے تیزی سے پھیل گئی اور ملحقہ گھر کو بھی اپنی لپیٹ میں لے لیا۔

خوفناک آتشزدگی کے نتیجے میں گھر میں سوئے ہوئے سات افراد جھلسنے اور دم گھٹنے کے باعث جاں بحق ہوگئے، مرنے والوں کا تعلق ایک ہی خاندان سے تھا جن میں عبدالستار، ان کے دو بیٹے عمر اور فرحان، عمر کی 12 سالہ بیٹی عروش، فرحان کا 4 سالہ بیٹا بلال اس کے علاوہ 10 سالہ معاویہ عثمام اور 7 سالہ نور فاطمہ شامل ہیں۔

اہل علاقہ نے اپنی مدد آپ کے تحت جھلسنے والے افراد اور لاشوں کو متاثرہ عمارت سے نکال کر الائیڈ اسپتال منتقل کیا، بعد ازاں ریسکیو کی چار ٹیموں نے امدادی کارروائی کرتے ہوئے 2 گھنٹے بعد آگ پر قابو پالیا ۔

اس اندوہناک سانحے میں ایک ہی خاندان کی سات افراد کی موت پر علاقے میں سوگ طاری ہوگیا۔

Comments





Source link

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *